Helium
Helium joda da unsur kimia rik lambang He rik nomor atom 2. Helium mak buwarna, mak buambaw, makka rasa, mak buracun, hampir inert, burupa gas monatomik, rik joda da unsur partama di golongan gas muliyo dilom tabol pariodik. Titik didih rik titik lobur gas hasa joda da say paling ribah di hantara kaunyin unsur. Helium buwujud bih sabagay gas kacuwali di kondisi say ekstrem. Kondisi ekstrem munih tiporluko untuk nyiptako cutik sanyawa helium, say kaunyinna mak stabil di suhu rik tokonan standar. Helium ngaduh isotop stabil karuwa say langka say tisobut helium-3. Sifat jak cairan varitas helium-4; helium I rik helium II; ponting bagi kapara pariset say malajari mekanika kuantum (khususna dilom fenomena superfluiditas) rik bagi tiyan say nyopok efek ngarodi'i suhu nol mutlak say digaduh materi (juk superkonduktivitas).
| Golongan | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | ||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Logam alkali | Logam alkali tanah | Pniktogen | Kalkogen | Halogen | Gas Mulia | |||||||||||||||||||||||||
| Pariode |
||||||||||||||||||||||||||||||
| 2 | ||||||||||||||||||||||||||||||
| 3 | ||||||||||||||||||||||||||||||
| 4 | ||||||||||||||||||||||||||||||
| 5 | ||||||||||||||||||||||||||||||
| 6 | 
|
|||||||||||||||||||||||||||||
| 7 | 
|
|||||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
321000+; font-size:85%;" 321000+
| ||||||||||||||||||||||||||||||
Helium joda da unsur karuwa paling lamon rik karuwa paling hampang di jagad raya, nyakup 24% massa kaunsuran total sagonop alam rik 12 kali jumlah massa kaunyin unsur biyak barihna. Kabulimpahan helium say goh-goh munih tihalui di Mataharani rik Jupiter. Ija lah langgarna energi pangarukan inti (per nukleon) helium-4 bubanding rik tolu unsur kimia barihna saradu helium. Energi pangarukan helium-4 hasa munih butanggung jawab atas kabulimpahan helium-4 sabagay produk fusi nuklir atawa paluruhan radioaktif. Kalamonan helium di sagonop alam sa burupa helium-4, say tiparcaya tibontuk samaso Bokasan Dahsyat. Pipira helium ompay munih tibontuk liyu fusi nuklir hidrogen dilom bintang samesta.
Golar "helium" buasal jak golar diwa Mataharani Yunani Helios. Di tahun 1868, astronom Prancis Pierre Jules César Janssen ngadeteksi partamo kali helium sabagay tanda garis spektral kuning mak tikapanday say buasal jak cahaya tokopan mataharani. Sacara formal, panomuan unsur hasa digawiko bak ruwa kimiawan Swedia Per Teodor Cleve rik Nils Abraham Langlet say mahaluko gas helium luwah jak biji uranium kleveit. Di tahun 1903, kandungan helium say balak lamon tihalui di huma-huma gas alam di Amerika Serikat, say tungguk ganta joda da panyawih gas helium paling balak. Helium tipakay dilom kriogenika, sistim hongas lawok raklom, pangisonan magnet superkonduktor, "pananggalan helium", pangombangan katobung, pangangkatan kapal udara rik sabagay gas palindung untuk kagunaan industri (juk "pangalasan busar") rik panumbuhan wafer silikon). Ngahisok cutik gas hasa bakal nyobabko parubahan samantara kualitas suwara.
Di Bumi, gas hasa cukup jarang tihalui (0,00052% volume atmosfer). Kalamonan helium say kita halui di bumi tibontuk jak paluruhan radioaktif unsur-unsur biyak (torium rik uranium) sabagay partikel alfa berinti atom helium-4. Helium radiogenik hasa tijarahngap dilom gas bumi rik konsentrasi sabagay 7% volume, say jakna dapok tiekstraksi sacara komersial makay proses pamisahan temperatur ribah say tisobut distilasi fraksional.