Arab Saudi
Bandira
|
Lambang
|
Gambar Wilayah.svg)
| |
| Samboyan: لا إله إلا الله محمد رسول الله Lā ʾilāha ʾillā-llāh, Muḥammadur rasūlu-llāh Makka Tuhan silau jak Allah, Muhammad joda da utusan Allah | |
| Lagu Kabangsoan: ٱلنَّشِيْد ٱلْوَطَنِي ٱلسُّعُوْدِي An-Našīd al-Waṭaniyy as-Sa'ūdiyah Himne Nasional Arab Saudi | |
| Informasi Dasar | |
|---|---|
| Indok Bandar | Riyadh |
| Borak Wilayah | 2.149.690 km² |
| Basa | Arab |
| Suku Bangsa | Arab |
| Jumlah Panduduk | 38.401.000 jiwa |
| Agama | Islam 93% Kristen 4% Barihna |
| Pamarintah | Rajo Salman Bin Abdul Aziz al-Saud Pardano Mantori Muhammad Bin Salman Bin Abdul Aziz al-Saud |
| Mata Uang | Riyal Saudi (﷼ SAR) |
| Zona Waktu | Waktu Standar Arab (UTC+3) |
| Informasi Barihna | |
| Lajur Kamudi | Kanan |
| Kode Talipon | +966 |
| Banua | Asia |
| Kode Internet | .sa السعودية. |
Arab Sawdi (Bahasa Arab: المملكة العربية السعودية) joda da samungkal nagara say tipik di Asia Barat, nagara hasa dikonal jolma lah jadi pok pusat agama Islam tarutama di kuta Mokkah rik Madinah.
Nagara hasa joda da osay nagara balak di Asia Barat, say bubatasan rik Yaman rik Oman di hulu, Lawok Siyaw di lawok, Uni Emirat Arab, Qatar, Bahrain, rik Teluk Persia di darak, Kuwait di liba ngadarak, Yordania rik Iraq di liba.[1]
Demografi
[dandani | Sunting sumbor]Bahasa
[dandani | Sunting sumbor]Basa resmina joda da bahasa Arab. Uwat pak kalompok dialek regional utama say tituturko bak jolma Sawdi: Najdi (sakitar 14,6 juta panutur), Hijazi (sakitar 10,3 juta penutur), Toluk (sakitar 0,96 juta panutur) tikuruk da dialek Baharna, rik dialek Hijaz Hulu rik Tihama. Faifi dituturko bak sakitar 50.000 orang. Bahasa Mehri tituturko munih bak sakitar 20.000 Jolma Mehri. Basa Isyarat Sawdi joda da basa utama komunitas tuna rungu, say bujumlah sakitar 100.000 panutur. Komunitas ekspatriat say balak munih ngumung dilom basa tiyan diwik, say paling lamon jumlahna, nurut data tahun 2018, joda da Bengali (~ 1.500.000 ), Tagalog (~ 900.000 ), Punjabi (~ 800.000 ), Urdu (~ 740.000 ), Arab Mesir (~ 600.000 ), Rohingya, Arab Levantin Liba (karuwana ~ 500.000 ) rik Malayalam.
Agama
[dandani | Sunting sumbor]Hampir kaunyin warga nagara Sawdi rik pandudukna buagama Islam, nurut hukum, kaunyin warga nagara di nagara sina buagama Islam. Parkiraan populasi Sunni bukisar antara 85% rik 90%, rik 10 sampay 15% todana buagama Islam Syi'ah, say maraktikko Syiah Rua Bolas Imam atawa Ismaiiyah Sulaymani. Bontuk resmi rik dominan Islam Sunni joda da Salafi, say umumna dikonal sabagay Wahhabi, say titogakko di Jazirah Arab bak Muhammad bin Abd al-Wahhab di abad ka-18. Aliran barih, juk Syiah minoritas, sacara sistematis katokon.