Arab Saudi

Karajoan Arab Saudi المملكة العربية السعودية Al-Mamlakah al-'Arabiyah as-Sa'ūdiyah (Arab)
Panji Lambang
Samboyan: لا إله إلا الله محمد رسول الله Lā ilāha illallāh, Muḥammadur Rasūlullāh (Arab: "Makka Tuhan silaw jak Allah, Muhammad joda da utusan Allah")
Lagu kabangsoan:  ٱلنَّشِيْد ٱلْوَطَنِي ٱلسُّعُوْدِي An-Nasyīd al-Waṭaniyy as-Sa'ūdiyah (Kumoring: "Himni Nasional Arab Saudi")
Bandar nagori (rik kota paling balak)	Riyadh 24°38′N 46°43′E
Basa resmi rik basa nasional	Arab
Kalumpuk etnik (2014)	90% Arab 10% Afro-Arab
Igamo (2010)	93,0% Islam 85–90% Sunni (Resmi) 10–15% Syiah 4,4% Nasrani 1,1% Hindu 0,7% Atheis 0,3% Buddha
Demonim	Bangsa Arab Saudi
Pamarintahan	Kasatuan islam absolut monarki konstitusional
• Rajo	Salman bin Abdul-Aziz al-Saud
• Putoro Mahkuta dan Pardano Mantori	Muhammad bin Salman bin Abdul-Aziz al-Saud
Legislatif	مجلس الشورى Majlis asy-Syura
Panoga'an
• Nagara Saudi Partamo	1727
• Nagara Saudi Karuwa	1824
• Nagara Saudi Katolu	1902
• Unifikasi Arab Saudi	1902 – 1925
• Karajoan Najd rik Hijaz	8 Januwari 1926
• Pambontukan Karajoan	23 September 1932
• Diangkoni bak PBB	24 Oktober 1945
• Konstitusi ganta sa	31 Januwari 1992
Borak
- Total	2.149.690 km2 (ke-12)
- Pauwayan (%)	0,7
Populasi
- Parkiraan 2022	38.401.000 (40)
- Kapado'an	15/km2 (174)
PDB (KKB)	2022
- Total	$2,00 trilliyun (17)
- Per kapita	$55.368 (25)
PDB (nominal)	2022
- Total	$1,04 trilliyun (18)
- Per kapita	$28.759 (35)
Gini (2013)	45,9 biyaso
IPM (2021)	0,875 langgar bangat · 35
Duwit	Riyal Saudi (ر.س) (SAR)
Zona waktu	Waktu Standar Arab (AST) (UTC+3)
Lajur kamudi	kanan
Kode talipon	+966
Kode ISO 3166	SA
Ranah Internet	.sa السعودية.
Situs web resmi www.my.gov.sa

Arab Sawdi (Bahasa Arab: المملكة العربية السعودية) joda da samungkal nagara say tipik di Asia Barat, nagara hasa dikonal jolma lah jadi pok pusat agama Islam tarutama di kuta Mokkah rik Madinah.

Nagara hasa joda da osay nagara balak di Asia Barat, say bubatasan rik Yaman rik Oman di hulu, Lawok Siyaw di lawok, Uni Emirat Arab, Qatar, Bahrain, rik Teluk Persia di darak, Kuwait di liba ngadarak, Yordania rik Iraq di liba.

Baruyut Kata

Salopas panggabungan Karajoan Hijaz rik Najd, nagara ompay sa tiunjuk golar al-Mamlaka al-ʿArabiyya as-Suʿūdiyya (transliterasi jak المملكة العربية السعودية‎ dilom basa Arab), buhorti "Karajoan Arab Saudi", budasarko dekrit karajoan di tanggal 23 September 1932 bak panogakna, Abdulaziz bin Saud.

Kata "Saudi" buasal jak unsur as-Suʿūdīyya dilom golar nagara Arab, yona sajenis kata sifat say tisobut nisbah, tibontuk jak golar dinasti kaluwarga karajoan Saudi, Al Saud (Arab: آل سعود). Pancantumanna ngungkapko pandangan aman nagara joda da dor pribadi kaluwarga karajoan. Al Saud joda da golar Arab say tibontuk rik nambahko kata Al , say buhorti "kaluwarga" atawa "lombahan", di golar pribadi sikor puyang. Dilom kasus Al Saud, hasa joda da Saud ibn Muhammad ibn Muqrin , piyama jak panogak dinasti sina di abad ka-18, Muhammad bin Saud.

Demografi

Bahasa

Basa resmina joda da bahasa Arab. Uwat pak kalompok dialek regional utama say tituturko bak jolma Sawdi: Najdi (sakitar 14,6 juta panutur), Hijazi (sakitar 10,3 juta penutur), Toluk (sakitar 0,96 juta panutur) tikuruk da dialek Baharna, rik dialek Hijaz Hulu rik Tihama. Faifi dituturko bak sakitar 50.000 orang. Bahasa Mehri tituturko munih bak sakitar 20.000 Jolma Mehri. Basa Isyarat Sawdi joda da basa utama komunitas tuna rungu, say bujumlah sakitar 100.000 panutur. Komunitas ekspatriat say balak munih ngumung dilom basa tiyan diwik, say paling lamon jumlahna, nurut data tahun 2018, joda da Bengali (~ 1.500.000 ), Tagalog (~ 900.000 ), Punjabi (~ 800.000 ), Urdu (~ 740.000 ), Arab Mesir (~ 600.000 ), Rohingya, Arab Levantin Liba (karuwana ~ 500.000 ) rik Malayalam.

Agama

Hampir kaunyin warga nagara Sawdi rik pandudukna buagama Islam, nurut hukum, kaunyin warga nagara di nagara sina buagama Islam. Parkiraan populasi Sunni bukisar antara 85% rik 90%, rik 10 sampay 15% todana buagama Islam Syi'ah, say maraktikko Syiah Rua Bolas Imam atawa Ismaiiyah Sulaymani. Bontuk resmi rik dominan Islam Sunni joda da Salafi, say umumna dikonal sabagay Wahhabi, say titogakko di Jazirah Arab bak Muhammad bin Abd al-Wahhab di abad ka-18. Aliran barih, juk Syiah minoritas, sacara sistematis katokon.